رۆژی چوارشەممە 1-12-2021، لە دەستەی كوردستانی بۆ دراساتی ستراتیجی و توێژینەوەی زانستی، سیمینارێك بە ناونیشانی (گازی سروشتی لە هەرێمی كوردستان-توانا و بەكارهێنان) بۆ بەڕێز پ.ی.د.فەرەیدون نەجم رەشید پسپۆڕ لە بواری ئەندازیاریی نەوت، بەڕێوەچوو

لە سیمینارەكەدا پ.ی.د.فەرەیدون نەجم رەشید، بە شێوەیەكی زانستی تیشكی خستەسەر یەدەكی دۆزراوەی گازی سروشتی لە هەرێمی كوردستان

 ناوەڕۆكی سیمینارەكە تەرخانكرابوو بە خستنەڕووی زانیاریی تایبەت بەو كێڵگە گازیانەی كە لە سنووری پارێزگای سلێمانی كاری گەڕان و هەڵكۆڵین و بەرهەمهێنانی تێدا كراوە لە قۆناغە جیاوازەكانی پڕۆسەی گەڕان بەدوای نەوت و گاز لە هەرێمی كوردستان لە نێوان ساڵانی ٢٠٠٥ تا ٢٠١٤

هەروەها  توانای بەرهەمهێنانی گازی سروشتی و بەكارهێنانی بەرهەمە گازییەكان لە نێوخۆی هەرێمی كوردستان و ئایندەی بازاڕی گازی سروشتی لە هەرێمی كوردستان، تەوەرێكی دیكەی سیمینارەكە بوو

لە كۆتاییشدا لە نێوان پێشكەشكار و ئامادەبووانی سیمینارەكەدا گفتوگۆی زیاتر لەبارەی ناوەڕۆكی سیمینارەكەوە كرا و وەڵامی پێویستی پرسیاری ئامادەبووان درایەوە