رۆژی یەكشەممە 17-10-2021، لە دەستەی كوردستانی بۆ دراساتی ستراتیجی و توێژینەوەی زانستی، سیمینارێك بەناونیشانی (سالاسیمیا و چەند بازدانێكی نوێ)، بۆ بەڕێز د.نەرمین ساڵح ئەحمەد مامۆستا و توێژەر لە دەستەی كوردستانی بۆ دیراساتی ستراتیجی و توێژینەوەی زانستی، بەڕێوەچوو
لە سیمینارەكەدا، د.نەرمین ساڵح ئەحمەد، ئاماژەی بەوەدا: ئەم نەخۆشییە یەكێكە لە نەخۆشییە بۆماوەییەكانی خوێن. كەسی توشبوو توانای دروستكردنی بڕی پێویستی (هیمۆگلۆبین)ی نییە. لە دەرئەنجامدا تووشی كەمخوێنی و چەند گرفتێكی دیكەی تەندروستی دەبێت، وتیشی: دیاریكردنی گۆڕانكاریی بۆماوەیی (بازدان) لە بۆ هێڵی گڵۆبین لە كەسی هەڵگر یاخود لە منداڵێكی توشبوو پێش لە دایكبوون، یەكێكە لە رێگە هەرەباشەكان بەمەبەستی كەمكردنەوەی رێژەی نەخۆشییەكە. بۆ ئەم مەبەستەش توێژینەوەیەك ئەنجامدرا لە دەستەی كوردستانی بۆ دراساتی ستراتیجی و توێژینەوەی زانستی لە نێو نەخۆشانی سالاسیمیا. لە دەرئەنجامدا چەند جۆرێك لە بازدان دەستنیشانكران كە پێشتر ئاماژەی پێكرابوو لە توێژینەوەی وڵاتان بە رێژەی جیاواز. لەهەمانكاتدا چەند جۆریكی نوێش لە بازدان دیاریكرا كە پێشتر تۆمار نەكرابوون
لە كۆتاییشدا لەنێوان پێشكەشكار و ئامادەبووانی سیمینارەكەدا، گفتوگۆ لەبارەی ناوەڕۆكی سیمینارەكەوە كرا و وەڵامی پێویستی پرسیاری ئامادەبووان درایەوە
