رۆژی دووشەممە 16-5-2022، لە دەستەی كوردستانی بۆ دراساتی ستراتیجی و توێژینەوەی زانستی، سیمینارێك بە ناونیشانی (كاریگەرییەكانی بەكارهێنانی كۆسمەتیك)، بۆ بەڕێز د.بەیان حەمەئەمین فەرەج مامۆستا و توێژەر لە دەستەی كوردستانی بۆ دراساتی ستراتیجی و توێژینەوەی زانستی، بەڕێوەچوو
لە سیمینارەكەدا، د.بەیان حەمەئەمین فەرەج، بە خستنەڕووی چەندین نموونە و پشتبەستن بە سەرچاوە زانستییەكان، تیشكی خستەسەر كاریگەرییەكانی بەكارهێنانی كۆسمەتیك و لەوبارەیەوە ئاماژەی بەوەدا: سەرەڕای ئەوەی بابەتی جوانكاریی بەكاردەهێنرێت لەلایەن خانمانەوە و دەبێتە هۆی زیادبوونی متمانە بەخۆبوون، بەڵام لەهەمانكاتدا پێویستە لەكاتی بەكارهێنانی ماددەكانی جوانكاریدا رەچاوی جۆر و كوالێتیی ماددەكان بكرێت، چونكە بەكارهێنانی هەریەك لەو ماددانە لەڕووی تەندروستییەوە كاریگەریی خۆیان هەیە و هەندێكجار لەڕووی تەندروستییەوە كاریگەرییەكی درێژخایەنیان دەبێت
هەر لە سیمینارەكەدا، چەندین جۆری ئەو ماددانەی كە لە بواری جوانكاریدا بەكاردەهێنرین خرانەڕوو، كاریگەرییەكانی هەریەك لەو ماددانەش روونكرانەوە
لە كۆتاییشدا لە نێوان پێشكەشكار و ئامادەبووانی سیمینارەكەدا، گفتوگۆی زیاتر لەبارەی ناوەڕۆكی سیمینارەكەوە كرا و وەڵامی پێویستی پرسیاری ئامادەبووان درایەوە