رۆژی یەكشەممە 22-5-2022، لە دەستەی كوردستانی بۆ دراساتی ستراتیجی و توێژینەوەی زانستی، سیمینارێك بە ناونیشانی (چارەسەری كێشەی بە ئەنجام نەگەیشتن لە ئەلگۆریسمی (سی ئێس ئۆ)دا، بۆ بەڕێز پرۆفیسۆری یاریدەدەر د.ئارام مەحمود ئەحمەد مامۆستا و توێژەر لە دەستەی كوردستانی بۆ دراساتی ستراتیجی و توێژینەوەی زانستی، بەڕێوەچوو
لە سیمینارەكەدا، پرۆفیسۆری یاریدەدەر د.ئارام مەحمود ئەحمەد، ئاماژەی بەوەدا: ئەلگۆریسمی (سی ئێس ئۆ) بۆ چارەسەری زۆرێك لە كێشەكان بە كاردەهێنرێت لە بوارەكانی ئەندازیاری و پزیشكی و كیمیایی و …هتد، وتیشی: ئەم ئەلگۆریسمە لاسایی هەڵسوكەوتی پشیلە دەكاتەوە بۆ گەڕان بە دوای چارەسەردا
هەر لە سیمینارەكەدا ئەوەخرایەڕوو: ئەلگۆریسمی (سی ئێس ئۆ) كێشەیەكی گەورەی هەیە كە پێیدەوترێت بە ئەنجام نەگەیشتن، بەڵام لە رێگەی كۆمەڵێك هاوكێشەی بیركارییەوە ئەم كێشەیە چارەسەر كراوە و لە توێژینەوەیەكدا و لە ژێر ناونیشانی (دی سی ئێس ئۆ) بڵاوكراوەتەوە و ئەنجامی زۆرباشی بەدەستهێناوە
لە كۆتاییشدا لە نێوان پێشكەشكار و ئامادەبووانی سیمینارەكەدا، گفتوگۆی زیاتر لەبارەی ناوەڕۆكی سیمینارەكەوە كرا و وەڵامی پێویستی پرسیاری ئامادەبووان درایەوە