رۆژی شەممە 26-11-2022، لەلایەن دایەنگە و باخچەی ساوایانی كۆشكی منداڵ، پەروەردەی سلێمانی-بەشی چاودێریی كاروباری كۆمەڵایەتی، سیمینارێك بۆ بەڕێزان مامۆستای یاریدەدەر نەشمیل عەلی عەبدول و مامۆستای یاریدەدەر سۆنیا سەردار تالیب، مامۆستا و توێژەر لە دەستەی كوردستانی بۆ دراساتی ستراتیجی و توێژینەوەی زانستی، رێكخرا

مامۆستای یاریدەدەر نەشمیل عەلی عەبدول مامۆستا و توێژەر لە دەستەی كوردستانی بۆ دراساتی ستراتیجی و توێژینەوەی زانستی، سیمینارەكەی بەناونیشانی (بڕ و جۆر و چۆنێتیی پێدانی خۆراك بە منداڵانی تەمەنی باخچە)، پێشكەشكرد و تێیدا گرنگیی خۆراكی روونكردەوە لەسەر تەندروستی و گەشەی منداڵان، هەروەها شیكاری بۆ بڕ و جۆری خۆراكی منداڵان كرد

هەروەها، مامۆستای یاریدەدەر سۆنیا سەردار تالیب مامۆستا و توێژەر لە دەستەی كوردستانی بۆ دراساتی ستراتیجی و توێژینەوەی زانستی، سیمینارەكەی بەناونیشانی (رێگاكانی هەڵگرتنی خۆراك بۆ پاراستن لە پیسبوونی خۆراكی)، پێشكەشكرد و تێیدا بە وردی تیشكی خستەسەر چۆنێتیی مامەڵەكردنی خۆراك و پاراستنی خۆراك لە پیسبوون، هەروەها باسی لە چۆنێتیی هەڵگرتنی خۆراك كرد

دوای پێشكەشكردنی سیمینارەكە، لە نێوان پێشكەشكاران و ئامادەبووانی سیمینارەكاندا، گفتوگۆی زیاتر لەبارەی ناوەڕۆكی سیمینارەكانەوە كرا و وەڵامی پێویستی پرسیاری ئامادەبووان درایەوە

لە كۆتاییشدا خەڵاتی رێزلێنان پێشكەش بە پێشكەشكاری سیمینارەكان كرا