رۆژی دووشەممە 23-1-2023، لە دەستەی كوردستانی بۆ دراساتی ستراتیجی و توێژینەوەی زانستی، سیمینارێك رێكدەخرێت. لە بەشی دووەمی سیمینارەكەدا، ئامادەبووان بە شێوەی پراكتیكی ژمارەیەك پڕۆژە و توێژینەوەی نێو پسپۆڕی پێشكەشكار و تیمە توێژینەوەكەی، تاقی دەكەنەوە
ناونیشانی سیمینار: توێژینەوە و پەرەپێدان لە كەلەپووری دیجیتاڵی
ناوی پێشكەشكار: د.ڕۆژین كەمال محەمەدئەمین مامۆستا و توێژەر لە دەستەی كوردستانی بۆ دراساتی ستراتیجی و توێژینەوەی زانستی
شوێن: دەستەی كوردستانی بۆ دراساتی ستراتیجی و توێژینەوەی زانستی، سلێمانی-شەقامی شۆڕش، قڕگە
رۆژ: دووشەممە 23-1-2023
سەعات: 10:30 دەقیقەی پێشنیوەڕۆ
هاتن بۆ هەمووانە
كورتەیەك لەبارەی د.ڕۆژین كەمال محەمەدئەمین
د.ڕۆژین كەمال محەمەدئەمین، هەڵگری بڕوانامەی بەكالۆریۆسە لە ئەندازیاری تەلارسازی (زانكۆی سلێمانی)، بڕوانامەی ماستەر و دكتۆرا لە دیزاینی ژینگە و كۆمپیوتەیشنەڵ میدیا دیزاین لە زانكۆی كالگەری لە كەنەدا
جگە لە كاركردنی وەكو توێژەر و مامۆستا لە دەستەی كوردستانی، د.ڕۆژین هاوبەڕێوەبەری تۆڕی نەهرەینە كە بنكەكەی لە زانكۆی یو سی ئێڵی بەریتانییە و توێژەری فەخریشە لە هەمان زانكۆ
هەروەها جێگری سەرۆكی رێكخراوی نێودەوڵەتیی رەشیدیشە بۆ پاراستنی كەلەپووری كەلتووری لە عیراق، كە رێكخراوێكی راوێژكارییە بۆ نەتەوە یەكگرتووەكان و بنكەكەی لە ئەڵمانیایە
لە هەمان كاتدا، د.ڕۆژین هەڵسەنگێنەری نێودەوڵەتیی پڕۆژەی توێژینەوە و فەندەكانی دەزگای توێژینەوە و داهێنانی حكومەتی بەریتانییە و خاوەنی چالاكی پیشەیی و ئەكادیمییە لە 22 وڵات لە باكووری ئەمریكا، ئەوروپا، ئاسیا، ئوسترالیا و رۆژهەڵاتی ناوەڕاست
هەڵگری ژمارەیەكی بەرچاو لە خەڵاتی ئەكادیمی و سكۆلارشیپ و فیلۆشیپ و سوپاس و پێزانینی نێودەوڵەتی و ناوخۆییە و داڕێژەری بیرۆكە و نووسەری پرۆپۆزەڵ و بەڕێوەبەر و هاوبەڕێوەبەری ژمارەیەك پڕۆژەی ئەكادیمییە كە گرانتی نێودەوڵەتی لە بەریتانیا و ئەمریكا و یەكێتیی ئەوروپاوە وەرگرتووە
