لە درێژەی ئەو زنجیرە سیمینارانەی كە لە دەستەی كوردستانی بۆ دراساتی ستراتیجی و توێژینەوەی زانستی، بەڕێوەدەچن، ئەمڕۆ چوارشەممە 10-5-2023، لە دەستەی كوردستانی، سیمینارێك بەناونیشانی (دیاریكردنی كوالێتی هێلكەی مریشك لەكاتی هەڵگرتندا)، بۆ بەڕێز مامۆستای یاریدەدەر سۆنیا سەردار تالیب مامۆستا و توێژەر لە دەستەی كوردستانی بۆ دراساتی ستراتیجی و توێژینەوەی زانستی، هەڵگری بڕوانامەی بەكالۆریۆس لە پیشەسازیی خۆراك، ماستەر لە زانستی خۆراك، بەڕێوەچوو
لە سیمینارەكەدا، مامۆستای یاریدەدەر سۆنیا سەردار تالیب، پێکهاتە و سوودەکانی هێلکەی روونکردەوە، پاشان تیشکی خستەسەر شێوازەکانی دیاریكردنی كوالێتی هێلكەی مریشك لەكاتی هەڵگرتندا، هەروەها باسی دیاریکردنی کوالێتی هێلکە لەڕێگەی پارامیتەرەکانی هێلکە و بەکارهێنانی لایت بۆ دیاریکردنی بۆشایی هەوا کرد کە یەکێکە لەو پارامیتەرانەی دەتوانرێت لەڕێگەیەوە تازە و کۆنی هێلکە دیاریی بکرێت
لە بەشێكی دیكەی سیمینارەكەدا، کاریگەریی کات و پلەی گەرمی لەکاتی هەڵگرتنی هێلکە لەسەر کوالێتی هێلکە، روونکرایەوە، ئاماژە بەو گۆڕانکارییانەش کرا کە وا لە هێلکە دەکات شیاو نەبێت بۆ خواردن، بەشێوەی کردارییش شێوازەکانی دیاریکردنی هێلکەی شیاو بۆ خواردن و هێلکەی نەشیاو بۆ خواردن، روونکرایەوە
دوای پێشكەشكردنی سیمینارەكە، لەنێوان پێشكەشكار و ئامادەبووانی سیمینارەكەدا، گفتوگۆی زیاتر لەبارەی ناوەڕۆكی سیمینارەكەوە كرا و وەڵامی پێویستی پرسیاری ئامادەبووان درایەوە