لە درێژەی ئەو زنجیرە سیمینارانەی كە لە دەستەی كوردستانی بۆ دراساتی ستراتیجی و توێژینەوەی زانستی، بەڕێوەدەچن، ئەمڕۆ یەكشەممە 14-5-2023، لە دەستەی كوردستانی، سیمینارێك بەناونیشانی (چەند ئامۆژگارییەك لەكاتی ریدیزاینكردنەوەی ناوەوەی ماڵەكانتان)، بۆ بەڕێز مامۆستای یاریدەدەر دابان عەبدوڵڵا سەلام مامۆستا و توێژەر لە دەستەی كوردستانی بۆ دراساتی ستراتیجی و توێژینەوەی زانستی، ئەندازیاری تەلارسازیی پێشكەوتوو، بەڕێوەچوو
لە سیمینارەكەدا، مامۆستای یاریدەدەر دابان عەبدوڵڵا سەلام، تیشكی خستەسەر جۆر و هەنگاوەکانی ریدیزاینكردنەوەی ناوەوەی ماڵەكان و بەپێویستیزانی لەکاتی ریدیزاینكردنەوەی ناوەوەی ماڵەكاندا رەچاوی چەند خاڵێک بکرێت، لەوانە: دیاریکردنی شوێن، وەرگرتنی هەموو دوورییەکانی ژوورەکە لەگەڵ شوێنی دەرگا و پەنجەرە، دیاریکردنی کێشەی شوێنەکە و شێوازەکانی چارەسەر، تەرخانکردنی بودجەی پێویست
لە بەشێكی دیكەی سیمینارەكەدا، دیارترین جۆری ستایلەکان بۆ ریدیزاینکردنەوە روونکرانەوە و بۆ هەریەک لە جۆرەکانیش چەندین نموونە خرانەڕوو، هەروەها تیشکخرایەسەر شێوازەکانی جێبەجێکردنی ریدیزاینکردنەوە، رێگەکانی تازەکردنەوەی هەریەک لە ژوورەکان و ناوەوەی ماڵەکانیش بەکەمترین تێچوو، روونکرانەوە
دوای پێشكەشكردنی سیمینارەكە، لەنێوان پێشكەشكار و ئامادەبووانی سیمینارەكەدا، گفتوگۆی زیاتر لەبارەی ناوەڕۆكی سیمینارەكەوە كرا و وەڵامی پێویستی پرسیاری ئامادەبووان درایەوە
