ئەمڕۆ دووشەممە 5-6-2023، لە رێوڕەسمێكدا، دەستەی كوردستانی بۆ دراساتی ستراتیجی و توێژینەوەی زانستی و نەخۆشخانەی بەخشین، یاداشتێكی لێكتێگەیشتنیان ئیمزاكرد لە بواری بڵاوكردنەوەی توێژینەوەی زانستی و پڕۆژەی هاوبەشی زانستی لەنێوان هەردوولادا
لە رێوڕەسمەكەدا كە پرۆفیسۆر د.پۆڵا ئازاد خانەقا سەرۆكی دەستەی كوردستانی بۆ دراساتی ستراتیجی و توێژینەوەی زانستی، بەڕێز رێبوار حەسەن بەڕێوەبەری نەخۆشخانەی بەخشین، پرۆفیسۆری یاریدەدەر د.فەرەیدون نەجم رەشید بەڕێوەبەری گشتی لە دەستەی كوردستانی، د.شاخەوان عەبدولڕەحمان مستەفا مامۆستا توێژەر و سەرۆكی بەشی توێژینەوەی شێرپەنجە لە دەستەی كوردستانی، د.عەلی تالیب عارف مامۆستا و توێژەر و بەڕێوەبەری پەیوەندییە دەرەكییەكانی دەستەی كوردستانی، ژمارەیەك لە دكتۆر و بەڕێوەبەری بەشەكان و كارمەندانی نەخۆشخانەی بەخشین، ئامادەیبوون، سەرۆكی دەستەی كوردستانی و بەڕێوەبەری نەخۆشخانەی بەخشین، لە وتەیەكی كورتدا تیشكیان خستەسەر گرنگیی ئەم هەنگاوە زانستییە
ئامانج و ناوەڕۆكی یاداشتی لێكتێگەیشتنەكە
ئامانج لە یاداشتی لێكتێگەیشتنی نێوان دەستەی كوردستانی بۆ دراساتی ستراتیجی و توێژینەوەی زانستی و نەخۆشخانەی بەخشین، بۆ پەرەپێدانی بوارەكانی خوێندنی باڵا و توێژینەوەی زانستی و تەندروستییە
ناوەڕۆكی یاداشتەكە، راهێنان و ئەنجامدانی پڕۆژە و چالاكیی هاوبەشی زانستی لەخۆدەگرێت و بۆ ئەو مەبەستەش تاقیگە و ئامێر و بەشەكانی دەستەی كوردستانی و نەخۆشخانەی بەخشین، لە خزمەت پڕۆژە و چالاكییە هاوبەشەكاندا دەبێت