وەزارەتى خوێندنى باڵا مەرج و رێنماییەکانى گواستنەوە و دابەزینى خوێندکاران بۆ ساڵى نوێى خوێنـدن بـڵاودەکـاتەوە

وەزارەتى خوێندنى باڵا و توێژینەوەى زانستى حکومەتى هەرێمى کوردستان، بەئیمزاى د.ئارام محەمەد قادر وەزیرى خوێندنى باڵا و توێژینەوەى زانستى، مەرج و رێنماییەکانى گواستنەوەو دابەزینى قوتابیان- خوێندکاران بۆ ساڵى نوێى خوێندنى (٢٠٢٣-٢٠٢٤) بڵاودەکاتەوە
عەباس ئەکرەم وتەبێژى وەزارەتى خوێندنى باڵا و توێژینەوەى زانستى لە لێدوانێکدا بۆ سایتى (gov.krd/mohe) رایگەیاند: لە گشتاندنێکدا کە لەلایەن فەرمانگەى خوێندن و پلاندانان و بەدواداچوون- بەڕێوەبەرایەتیى ناوەندى وەرگرتن ئامادەکراوە و ئیمزاى وەزیرى خوێندنى باڵا و توێژینەوەى زانستى لەسەرەو ئاراستەى گشت زانکۆ حکومییەکانى هەرێمى کوردستان کراوە، تیایدا ئەوە هاتوە لە رێکەوتى (2023-7-12) تاکو (2023-8-31) پرۆسەى گواستنەوەو دابەزین بەپێى مەرج و رێنماییەکان بەردەوام دەبێت
لە رێنماییەکەدا گواستنەوەى خوێندکاران- قوتابیان لە کۆلێژى کۆنمرە نزمەکان بۆ کۆلێژى کۆنمرە بەرزەکان، گواستنەوە لەنێوان زانکۆ و پەیمانگەکانى هەرێم، گواستنەوەى خوێندنى قوتابیان- خوێندکارانى دەرەوەى وڵات بۆ زانکۆ و پەیمانگەکانى هەرێم، باشوور و ناوەڕاستى عێراق. هەروەها دابەزینى ئاسایی قوتابیان- خوێندکاران، دابەزینى خوێندن بەشێوەى سیستمى خوێندنى پارالێل و چەندین وردەکاریى دیکە لەبارەى گواستنەوەو دابەزین خراوەتەڕوو
بۆ خوێندنەوەى دەقى رێنماییى گواستنەوەو دابەزین کلیک لەسەر ئەم لینکەى خوارەوە بکە

https://gov.krd/mohe/activities/news-and-press-releases/2023/july/%D9%85%DB%95%D8%B1%D8%AC-%D9%88-%DA%95%DB%8E%D9%86%D9%85%D8%A7%DB%8C%DB%8C%DB%95%DA%A9%D8%A7%D9%86%D9%89-%DA%AF%D9%88%D8%A7%D8%B3%D8%AA%D9%86%DB%95%D9%88%DB%95-%D9%88-%D8%AF%D8%A7%D8%A8%DB%95%D8%B2%DB%8C%D9%86%D9%89-%D8%AE%D9%88%DB%8E%D9%86%D8%AF%DA%A9%D8%A7%D8%B1%D8%A7%D9%86-%D8%A8%DB%86-%D8%B3%D8%A7%DA%B5%D9%89-%D9%86%D9%88%DB%8E%D9%89-%D8%AE%D9%88%DB%8E%D9%86%D9%80%D8%AF%D9%86-%D8%A8%D9%80%DA%B5%D8%A7%D9%88-%DA%A9%D8%B1%D8%A7%DB%8C%DB%95%D9%88%DB%95/