بەڕێز د.نەرمین ساڵح ئەحمەد مامۆستا و توێژەر لە دەستەی كوردستانی بۆ دراساتی ستراتیجی و توێژینەوەی زانستی، بە هاوكاری راستەوخۆی توێژەرانی زانكۆی كۆمار بۆ زانست و تەكنۆلۆژیا لەگەڵ زانكۆی نۆتتینگهام لە بەریتانیا، توێژینەوەیەكی لەبارەی نەخۆشی شێرپەنجەی كۆڵۆن، لە گۆڤارێكی ئاستبەرزی زانستیدا بڵاوكردەوە
لەبارەی توێژینەوەكەوە، د.نەرمین ساڵح ئەحمەد رایگەیاند: نەخۆشی شێرپەنجەی كۆڵۆن و رێكە بە سێهەم جۆری بەربڵاوی شێرپەنجە دادەنرێت لە جیهاندا كە ساڵانە زیاتر لە دوو ملیۆن كەس تووشی ئەم نەخۆشییە دەبن بەتایبەت ئەو كەسانەی تەمەنیان سەروو ٥٠ ساڵە. وێڕای ئەو پێشكەوتنە گرنگانەی كە بەدەستهاتوون لە بواری دەستنیشانكردن و چارەسەركردنی شێرپەنجە، بەڵام ساڵانە نزیكەی یەك ملیۆن كەس بەهۆی ئەم نەخۆشییەوە دەمرن، كە توانای بڵاوبوونەوەی نەخۆشییەكە بەناو ئەندامەكانی جەستەی كەسی توشبوودا هۆكاری سەرەكی مردنە، راشیگەیاند: ئێمە لە دەستەی كوردستانی بۆ دراساتی ستراتیجی و توێژینەوەی زانستی، بە هاوكاری راستەوخۆی توێژەرانی زانكۆی كۆمار بۆ زانست و تەكنۆلۆژیا لەگەڵ زانكۆی نۆتتینگهام لە بەریتانیا ئەم توێژینەوەیەمان كردووە كە بەشێكە لە زنجیرەیەك توێژینەوەی تایبەت بە دەستنیشانكردنی گۆڕانكارییە جیناتییەكان كە دەبنە هۆی بڵاوبوونەوەی نەخۆشییەكە، وەك هەوڵێك بۆ ئاسانكاریكردن لە دەستنیشانكردنی نەخۆشییەكە و دیاریكردنی باشترین جۆری چارەسەر بەمەبەستی كەمكردنەوەی كاریگەرییەكانی نەخۆشییەكە، هەروەها هەوڵدان بۆ دوورخستنەوەی مەترسی مردن لەسەر كەسی توشبوو
وتیشی: خۆشبەختانە توێژینەوەكەمان لە گۆڤارێكی ئاستبەرزی زانستی لە بەریتانیا
Cancer cell international
بە ئیمپاكت فاكتەری 6.43 بڵاوكرایەوە
بۆ زانیاریی زیاتر لەبارەی توێژینەوەكەوە، كلیك لەسەر ئەم لینكەی خوارەوە بكە