رۆژی دووشەممە 22-4-2024، دەستەی كوردستانی بۆ دراساتی ستراتیجی و توێژینەوەی زانستی، بەهاوبەشی لەگەڵ رێكخراوی رۆزە لۆکسمبۆرگ، فێستیڤاڵێك بەناونیشانی (خۆژێنی، سەربەخۆییە!) رێكدەخات و ماوەی دوو رۆژ دەخایەنێت.
فیستیڤاڵەكە ماوەی دوو رۆژ دەخایەنێت
چالاكییەكانی رۆژی یەكەمی فێستیڤاڵەكە، رۆژی دووشەممە 22-4-2024، سەعات 10ی سەرلەبەیانی لە پاركی ئازادی لە سلێمانی بەڕێوەدەچێت و تا سەعات 8:30 دەقیقەی شەو بەردەوام دەبێت.
چالاكییەكانی رۆژی دووەمیش رۆژی سێشەممە 23-4-2024، لە گوندی دێرێی خواروو لە ناوچەی شارباژێڕ بەڕێوەدەچێت و سەعات 10:30 دەقیقەی سەرلەبەیانی دەستپێدەكات و تا سەعات 5ی ئێوارە بەردەوام دەبێت.
چالاكییەكانی رۆژی یەكەم لە پاركی ئازادی
لە یەكەم رۆژی فێستیڤاڵەكەدا، لە پاركی ئازادی، ئەم چالاكییانە پێشكەش دەكرێن، (وتەی بەخێرهاتن، وۆركشۆپی توێژینەوەی قڕكەرەكان، ناساندنی كتێبـی گرافیكی كشتوكاڵ لە كوردستان و عیراق)، چالاكییە كراوەكان (پیشانگەی مێژووی زارەكی جووتیار لە گوندەكانی سنوری پارێزگای سلێمانی، پیشانگەی توێژینەوەی ژینگەیی، پیشانگەی تۆوی خۆماڵی جووتیارەكان، پیشانگەی خۆراك و كەلەپوور لە دەستەی كوردستانی، چالاكی ئەكادیمییەكان و خوێندكارانی زانكۆی سلێمانی، نمایشی دوو فیلم لە بارەی كشتوكاڵی سروشتی، مێزگرد و شرۆڤە لە بارەی پرسی خۆژێنی).
چالاكییەكانی رۆژی دووەم لە گوندی دێرێی خواروو لە ناوچەی شارباژێڕ
لە دووەم رۆژی فێستیڤاڵەكەدا، لە گوندی دێرێی خواروو لە ناوچەی شارباژێڕ، ئەم چالاكییانە پێشكەش دەكرێن، (نمایشی كورتەفیلمی توێژینەوەی مێژووی زارەكی، مێزگرد و شرۆڤەی جووتیارانی ناوچەكە، تامكردنی خواردنە خۆماڵییەكانی دێرێ، بازاڕی بەرهەمی خۆماڵی جووتیاران لە دێرێ، سەردانی مەیدانی بۆ دوو كێڵگە لە گوندەكە).
