لە درێژەی ئەو چالاكییانەی لە دەستەی كوردستانی بۆ دراساتی ستراتیجی و توێژینەوەی زانستی، بەڕێوەدەچن، ئەمڕۆ یەكشەممە 28-4-2024، وۆركشۆپێك بەناونیشانی (چۆنێتی دەستنیشانكردنی بەكارهێنانی ژیری دەستكرد لە توێژینەوەی زانستی و ماستەرنامە و تێزی دكتۆرادا) بۆ بەڕێز پرۆفیسۆر د.نەهلە محەمەد سەعید مامۆستا و توێژەر لە دەستەی كوردستانی بۆ دراساتی ستراتیجی و توێژینەوەی زانستی، بەڕێوەچوو.
لە وۆركشۆپەكەدا، پرۆفیسۆر د.نەهلە محەمەد سەعید، تیشكی خستەسەر پێویستی و گرنگیی دەستنیشانكردنی بەكارهێنانی ژیری دەستكرد لە توێژینەوەی زانستی و ماستەرنامە و تێزی دكتۆرادا، هەروەها باسی لە رۆڵی سەرەكیی AI لە بواری ئەكادیمیادا كرد.
بۆ روونكردنەوەی زیاتری ناوەڕۆكی وۆركشۆپەكەش، چەند پرسیارێكی خستەڕوو لەوانە: چۆن AI شیكاریی داتا بەرز دەكاتەوە، داهێنان پەروەردە دەكات و توێژینەوە خێراتر دەكات، لە هەمانكاتدا یەكپارچەیی ئەكادیمی دەپارێزێت؟. چۆن AI داهاتووی پەروەردە و كوالێتی توێژینەوە لە قاڵب دەدات، چۆن دەتوانرێت بەشێوەیەكی بەرپرسیارانە بەكاربهێنرێت بۆ پاراستنی یەكسانی لە پێشكەوتنە زانستییەكاندا، بۆ وەڵامی هەریەك لەو پرسیارانەش، چەندین داتای زانستی و روونكردنەوەی پێویستی خستەڕوو.
دوای پێشكەشكردنی وۆركشۆپەكە، كە نزیكەی دوو سەعاتی خایاند، لەنێوان پێشكەشكار و ئامادەبووانی وۆركشۆپەكەدا، گفتوگۆی زیاتر لەبارەی ناوەڕۆكی وۆركشۆپەكەوە كرا و وەڵامی پێویستی پرسیاری ئامادەبووان درایەوە.
بۆ زانیاریی زیاتر و خوێندنەوەی چەند دێڕێك لەبارەی پێشكەشكاری وۆركشۆپەكەوە، كلیك لەسەر ئەم لینكەی خوارەوە بكە
شایانی باسە، رۆژی پێنجشەممەی رابردوو 25-4-2024، پرۆفیسۆر د.نەهلە محەمەد سەعید، هەمان وۆركشۆپی لە زانكۆی سلێمانی پێشكەشكرد.
هەروەها رۆژی 16-4-2024، لەمیانی دیداری (دەرفەت و ئاڵنگارییەكانی بەكارهێنانی ژیری دەستكرد لە بڵاوكراوە ئەكادیمییەكاندا) كە لەلایەن فەرمانگەی توێژینەوە و پەرەپێدانی وەزارەتی خوێندنی باڵا و توێژینەوەی زانستییەوە لە هەولێر، رێكخرابوو، لە پانێلی دووەمی دیدارەكەدا بەناونیشانی (دەرفەتەكانی بەكارهێنانی ژیری دەستكرد لە بڵاوكراوە ئەكادیمییەكان)، پرۆفیسۆر د.نەهلە محەمەد سەعید مامۆستا و توێژەر لە دەستەی كوردستانی بۆ دراساتی ستراتیجی و توێژینەوەی زانستی، بابەتێكی بەناونیشانی (چۆنیەتی دەستنیشانكردنی بەكارهێنانی ژیری دەستكرد لە توێژینەوەی زانستی و ماستەرنامە و تێزی دكتۆرا) پێشكەشكرد.
بۆ زانیاریی زیاتر كلیك لەسەر ئەم لینكەی خوارەوە بكە
لەلایەكی دیكەوە، لە درێژەی ئەو زنجیرە سیمینارانەی لە دەستەی كوردستانی، بەڕێوەدەچن، رۆژی 24-4-2024، سیمینارێك بەناونیشانی (هێزی مێینەبوون لە رۆشنایی توێژینەوە زانستییەكانەوە) بۆ بەڕێز د.كانی سالار عوسمان مامۆستای زانكۆی سلێمانی، بەڕێوەچوو.
بۆ زانیاریی زیاتر كلیك لەسەر ئەم لینكەی خوارەوە بكە
