رۆژی شەممە 21-5-2022، لە باخچەی ساوایانی كۆشكی منداڵ لە سلێمانی، مامۆستای یاریدەدەر نەشمیل عەلی عەبدول مامۆستا و توێژەر لە دەستەی كوردستانی بۆ دراساتی ستراتیجی و توێژینەوەی زانستی، سیمینارێكی بە ناونیشانی (پێكهاتە سەرەكی و گرنگەكان كە پێویستە لە خۆراكی منداڵدا هەبێت)، پێشكەشكرد
لە سیمینارەكەدا، كە مامۆستایان و دایك و باوكی منداڵانی باخچەی ساوایانی كۆشكی منداڵ ئامادەیبوون، مامۆستای یاریدەدەر نەشمیل عەلی عەبدول مامۆستا و توێژەر لە دەستەی كوردستانی بۆ دراساتی ستراتیجی و توێژینەوەی زانستی، تیشكی خستەسەر پێكهاتە سەرەكی و گرنگەكان كە پێویستە لە خۆراكی منداڵدا هەبێت، ئاماژەشی بە گرنگی خۆراك و خۆراكپێدانی منداڵ كرد
هەر لە سیمینارەكەدا، باس لە گرنگی خۆراك بۆ گەشە و تەندروستیی منداڵانی تەمەن پێنج بۆ حەوت ساڵان كرا و گرنگی خۆراك لەڕووی چەندێتی و چۆنایەتییەوە خرایەڕوو
لە كۆتاییشدا لە نێوان پێشكەشكار و ئامادەبووانی سیمینارەكەدا، گفتوگۆی زیاتر لەبارەی ناوەڕۆكی سیمینارەكەوە كرا و وەڵامی پێویستی پرسیاری ئامادەبووان درایەوە