رۆژی چوارشەممە ٣-٥-٢٠٢٣، لە دەستەی كوردستانی بۆ دراساتی ستراتیجی و توێژینەوەی زانستی، لە رێوڕەسمێکدا، رۆژی کراوەی باخی (بوژاندنەوەی کشتوکاڵی سروشتی)، بەڕێوەچوو
لە رێوڕەسمەکەدا کە بە ئامادەبوونی پرۆفیسۆر د.پۆڵا ئازاد خانەقا سەرۆکی دەستەی کوردستانی بۆ دراساتی ستراتیجی و توێژینەوەی زانستی، پرۆفیسۆری یاریدەدەر د.فەرەیدون نەجم رەشید بەڕێوەبەری گشتی لە دەستەی كوردستانی، ژمارەیەکی بەرچاو لە شارەزایانی بواری کشتوکاڵ و میوان و جوتیاران و چین و توێژە جیاوازەکان، مامۆستایان و توێژەران و ستافی ئەکادیمی و کارمەندانی دەستەی کوردستانی، نێردراوانی کەناڵەکانی راگەیاندن، بەڕێوەچوو، چەندین چالاکی لە بواری کشتوکاڵیی سروشتی پێشکەشکران و بەرهەمی خۆماڵی و سروشتیی پڕۆژەکە و چەند جوتیارێک خرانەڕوو، لەلایەن ستافی پڕۆژەکەشەوە وەڵامی پرسیاری ئامادەبووان درایەوە و زانیاریی پێویست لەبارەی گرنگی بوژاندنەوەی کشتوکاڵی سروشتی، خرایەڕوو، ژمارەیەک لە منداڵانیش لە پڕۆسەی چاندنی تۆودا بەشدارییان پێکرا، هەروەها بەرهەمە خۆماڵییەکانی پڕۆژەکە لەلایەن میوانەکانەوە، تاقیکرانەوە
ئامانجی پڕۆژەکە
ئامانجی پڕۆژەکە بریتییە لە: کۆکردنەوە و زیادکردن و پاراستنی تۆوی خاوێن و رەسەنی خۆماڵی، بایەخدان بە بوژاندنەوەی خاک و بەرهەمهێنانی خۆراکی تەندروست، گەڕاندنەوەی شکۆ بۆ جوتیار لە رێگەی دووبارە بەهێزکردنەوەی پردی پەیوەندیی نێوان جوتیار و لایەنی پەیوەندیدار، هۆشیارکردنەوەی کۆمەڵگە لە رێگەی ئاڵوگۆڕی زانیاری لەبارەی گرنگی بەروبومی خاوێن لە دەرمانی کیمیایی، لە دەرەنجامدا بەرەنگاریی گۆڕانکاریی کەشوهەوا دەکرێت و ئاسایشی خۆراک پارێزراو دەبێت
ستافی پڕۆژەکە
ستافی پڕۆژەکە پێکهاتوون لە: سەرپەرشتیارانی پڕۆژە: د.شنە شەریف عەبدوڵڵا مامۆستا و توێژەر لە دەستەی كوردستانی، رێباز عومەر محەمەد یاریدەدەری ئەندازیاری کشتوکاڵ لە دەستەی كوردستانی
بەڕێوەبەری پڕۆژە: پرۆفیسۆری یاریدەدەر د.فەرەیدون نەجم رەشید بەڕێوەبەری گشتی لە دەستەی كوردستانی
جێبەجێکارانی پڕۆژە: بەختیار عەلی هەمزە یاریدەدەری جیۆلۆجی لە دەستەی كوردستانی، هێمن عوسمان محەمەد جیۆلۆجی لە دەستەی كوردستانی
ئەندریاس ڤۆڵف شارەزای بواری کشتوکاڵ و راوێژکار
بۆ بینینی وێنەی زیاتر و زانیاریی زیاتر لەبارەی پڕۆژەکەوە، کلیک لەسەر ئەم لینکانەی خوارەوە بکە
